zawag.elnady

انا عايز/ة اتجوز من عصر الفراعنة الى عصر الفرعنة

كان الجواز فى العصر الفرعونى كده

بابا اناعايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية.. مبروك يا تاح

اما فى عصر الرومان فبقى كده

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك

و لما مشي الزمن شوية و فى العصر الاسلامى بقينا كده

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى .. وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' .... اقيموا الافراح

و فى عهد سعد باشا زغلول حصل كده

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا

و لما دخلت البنات الجامعة سنة 1950

بقى يا ستى بنتك آمال جالها عريس
يا ألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

و فى عصر الانفتاح و الهامبورجر

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركت
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

و دلوقتىىىىىىى J

البنت: بابا انا اتعرفت على ريكو فى موقع زواج و تعارف على الانترنت و انا شايفة ان البحثعن زوج بالطريقة دى موش عيب و لا حرام  

الاب : طيب ما دام الموضوع كده يبقى انا كمان حاعمل نفسي " ابحث عن زوجة " ما هو الشرع قالنا نتجوز اربعة.

البنت : خلاص بقى حييجى يقابلك بكره وهو راجع من المول مع ديدى متتكلمش معاه فى اى ماديات من فضلك انا بشترى راجل واحنا معانا كتير وبعدين الكلام فى المهر والعفش والقايمه والفرح ده موضة قديمة وحاجات بلدى يا بابى انا اتفقت معاه على كل حاجه والفرح فى كافيه فى المعادى على الضيق كده وانا جيت اعزمك انت ومامى

الاب: مبروك يا حبيبتى